السلام عليكم ورحمة الله وبركاته
لبيه ياللي وحدك إن قلت لبيه
يذبحني لبيهك ويذبحني الصوت
وان طاح قلبي ميت فيك خليه
يا حي قلب طاح ويا حيه الموت
ما قلت أحبك لاجل وقتي أسليه
لا ، لا والذي نجا نبيه من الحوت
والحب لو هو سر واقدر أخبيه
ما قلت أحبك حتى وشفاهي سكوت
لي ناظرن ماغير شخصك يمليه
كنك دواي وشوفتك طب منعوت
وان ضاق بالي اذكر اسمك واغنيه
واتخيلك ، عل وعسى طيفك يفووت
أهواك ، وهمي كيف قلبك أهنيه
من كثر ما اسمك في هالقلب منحوت
حتى الخطا لو جاني منك أمشيه
وان ما مشى أخلقله أعذار وثبوت
ويش الذي يخطر في بالك وأسويه
لو حتى في وسط البحر أبني بيوت
ياللي البحر لو جا في بالك تحليه
مريت صوبه وامتلى سكر وتوت
لبيه و لبيه ياللي لو طلبني ألبيه
للعاصمة حافي ولو دربه خبوت
لين اندهك يا فلان وتقول لبيه
واطيح من طولي ويذبحني الصوت
**
الشاعر : أنور المشيري